မျက်နှာနှင့် ဗိုက်သား အလှပြုပြင်ကြရာဝယ်

သိပ္ပံပညာသည် နေရာတိုင်းတွင် တိုးတက်ပြောင်းလဲနေ၏။ ဖွံ့ဖြိုးပြီးနိုင်ငံများတွင် ငွေကြေးများစွာ အကုန်အကျခံ၍ သုတေသနပြုလုပ်ပြီး လူနေမှုဘ၀ကို တိုးတက်အောင် ဆောင်ရွက်နေကြ၏။ အထူးသဖြင့် လူတို့၏ ကျန်းမာရေး ပိုကောင်းပြီး ပို၍ အသက်ရှည်ရှည် နေထိုင်သွားရန် ဆေးသုတေသီတို့၏ ကြိုးပမ်းမှုမှာ အောင်မြင်လျက်ရှိ၏။
ယခု ဆယ်စုနှစ်များအတွင်း အာရှတိုက်၏ ဓနအင်အားကြီးနိုင်ငံလည်းဖြစ်၊ ကမ္ဘာ့စီးပွားရေး အင်အားကြီးနိုင်ငံလည်း ဖြစ်လာသော တရုတ်နိုင်ငံ၌ စီးပွားရေးလုပ်ငန်းများကြောင့် ငွေကြေးကြွယ်ဝသူ လူဦးရေများလာရာ သူတို့သည် အခြားသော ဖွံ့ဖြိုးပြီးနိုင်ငံများ၌ နေထိုင်ကြသူများ၏ ဘ၀ဟန်ပန်လမ်းကြောင်းအတိုင်း လျှောက်လှမ်းနေကြ၏။
အထူးသဖြင့် အမျိုးသမီးလောကတွင် ဖွံ့ဖြိုးပြီးနိုင်ငံများမှ အမျိုးသမီးများ၊ ငွေကြေးတတ်နိုင်ကြသူများ လောက၌ ခေတ်စားနေသော မျက်နှာအလှပြုပြင်ခြင်းနှင့် ၀မ်းဗိုက်ပိုင်း အလှပြုပြင်ခြင်းသည် ခေတ်စားနေ၏။
တရုတ်ပြည်မကြီးမှ အမျိုးသမီးအချို့ သည် တရုတ်ပြည်မကြီးနှင့် မလှမ်းမကမ်းရှိ နိုင်ငံတစ်နိုင်ငံသို့သွား၍ ငွေကြေး များစွာ သုံးစွဲကာ မျက်နှာအလှပြုပြင်ခြင်း၊ ခန္ဓာကိုယ်ပိုင်းလှအောင် ပြုလုပ်ခြင်း၊ လိုအပ်ပါက အသည်းအစားထိုး၍ ဆေးကုသ ခြင်းတို့ကို ပြုလုပ်ကြ၏။
စီးပွားရေးအင်အားကြီးနိုင်ငံဖြစ်လာသော တရုတ်ပြည်၏ ပေကျင်း၊ ရှန်ဟဲ၊ ဂွမ်ဒေါင်း စသောမြို့ ကြီးများတွင် ကမ္ဘာ့ အဆင့်မီ ဆေးရုံကြီးများရှိသလို ပုဂ္ဂလိကပိုင် ဆေးခန်းများလည်း များစွာရှိ၏။
လောလောဆယ်တွင် တရုတ်ပြည်မကြီး၌ အမျိုးသမီးများအတွက် အလှပြုလုပ်ပေးသော လုပ်ရပ်သုံးခုသည် ရေပန်း စားနေ၏။
အချို့ တရုတ်အမျိုးသမီးများသည် မျက်လုံးပေါက် ကျဉ်းကြလေရာ ငွေကြေးတတ်နိုင်သူများသည် မျက်လုံးပေါက် ကျယ်သွားရန် မျက်ခွံများကို ခွဲစိတ်ကုသမှု ပြုလုပ်လာကြ၏။ မျက်ခွံများကို ခွဲစိတ်ပြီး မျက်လုံးပိုကြီးလျှင် ပိုလှသည့်အတွက် မျက်ခွံများကို ခွဲစိတ်ပြုပြင်မှုများ ပြုလုပ်မှုများလာ၏။ ကုန်ကျစရိတ်မှာ တရုတ်ယွမ်ငွေ ၁၀၀၀ (တစ်ထောင်)ခန့်သာ။
အချို့ အမျိုးသမီးများမှာမူ နှာခေါင်းများ ပြားကြ၏။ ပြားသောနှာခေါင်းသည် မလှ၊ နှာခေါင်းချွန်မှ လှသောကြောင့် တရုတ်ပြည်တွင် နှာခေါင်းချွန်အောင် ခွဲစိတ်ပြုပြင်ခြင်းအလုပ်သည်လည်း အလွန်တွင်ကျယ်နေ၏။ ကုန်ကျစရိတ်များမှာ အသုံးပြုရသော ပစ္စည်းများအပေါ် မူတည်၍ ယွမ်ငွေ ၃၀၀၀ (သုံးထောင်)မှ သည် ၂၀၀၀၀ (နှစ်သောင်း)အထိရှိ၏။
တရုတ်ပြည်၌ အလွန်တွင်ကျယ်နေသော အခြားဆေးကုသမှုတစ်ခုမှာ ၀မ်းဗိုက်သားမှ အဆီများကိုထုတ်၍ ၀မ်းဗိုက် ချပ်သွားအောင် ပြုလုပ်ပေးသော ဆေးကုသမှုတစ်ရပ်ဖြစ်၏။
ရှေးခေတ် တရုတ်ပြည်တွင် တန်မင်းဆက်မှစ၍ တရုတ်အမျိုးသမီးများ ၀၀ဖြိုးဖြိုးရှိမှ လှသည်ဟု ယူဆကြသော် လည်း ယခုခေတ်၌မူ ဆန့်ကျင်ဘက်ဖြစ်သွား၏။ ပိန်ပိန်ပါးပါး ၀မ်းဗိုက်ချပ်မှ လှသည်ဟု အသိအမှတ်ပြုလာကြ၏။ ယခုအခါ တရုတ်အမျိုးသမီးများသည် မ၀ရန် အစားအသောက် ဆင်ခြင်ခြင်း၊ လေ့ကျင့်ခန်းများ မှန်မှန်ပြုလုပ်ခြင်း၊ ငွေကြေးကြွယ်ဝသူ များကမူ ဆေးရုံဆေးခန်းသွား၍ ၀မ်းဗိုက်မှ အဆီပြင်များကို ထုတ်လိုက်ကြ၏။ ပေါင်သားများနှင့် ခါးသားများကိုလည်း ပြုပြင် ကြ၏။ ၀မ်းဗိုက်ထဲမှ အဆီများကို ထုတ်ရာတွင် အနည်းဆုံး ကုန်ကျစရိတ်မှာ ယွမ်ငွေ၂၀၀၀ ရှိ၏။
တရုတ်ပြည်မကြီးတွင် ပလတ်စတစ် ဆာဂျရီဟုခေါ်သော ကော့စမက်တစ် ခွဲစိတ်မှုသည် အလွန်ခေတ်စားနေ၏။ သို့ သော် တစ်ခါတစ်ရံတွင် အချို့ ဆရာဝန်များ၏ လုပ်ငန်းမကျွမ်းကျင်မှုကြောင့် အလှဖြစ်မလာဘဲ အရုပ်ဆိုးသွားခြင်း၊ သေဆုံး သွားခြင်းမျိုးလည်း ရှိလာသည်ဟု သိရ၏။
ပေကျင်းမြို့ သတင်းတစ်ပုဒ်တွင် မစ္စဟွမ်အမည်ရှိ အမျိုးသမီးတစ်ဦးသည် မျက်လုံးလှရန် မျက်လုံးအိမ်အောက်ပိုင်းရှိ ဖောင်းနေသော အဆီကိုထုတ်ရန် ဆုံးဖြတ်လိုက်၏။ ကုမ္ပဏီတစ်ခုမှ ပစ္စည်းများ ၀ယ်ယူရေးမန်နေဂျာဟွမ်သည် ယွမ်ငွေ ၁၀၀၀၀ (တစ်သောင်း) အကုန်ခံ၍ မျက်လုံးအောက်မှ အဆီအိတ်ကို ထုတ်ယူလိုက်ရာ သူ့မျက်လုံးများ လှသွား၏။
ကံဆိုးသူ အဆိုဝါသနာရှင် တစ်ဦးဖြစ်သော ၀မ်ဘီး (၂၄)နှစ်မှာမူ ၂၀၁၀ နိုဝင်ဘာလ ၁၅ရက်နေ့၌ သူ့မျက်နှာမှ အဆီ များကို ထုတ်ယူရာ၌ ဆရာဝန်များ၏ မကျွမ်းကျင်မှုလော၊ သို့မဟုတ် သူမအနေဖြင့် သေနေ့စေ့၍လားမသိ၊ ခွဲစိတ်မှုပြုစဉ် သေ ဆုံးသွား၏။
တရုတ်အစိုးရ၏ သတင်းတစ်ပုဒ်၌ တရုတ်ပြည်တွင်း ပလက်စတစ်ဆာဂျရီ မအောင်မြင်၍ ဒုက္ခရောက်သူ ၂၀၀၀၀၀ ခန့် (နှစ် ၂၀ခန့်အတွင်း)ရှိကြောင်း သတင်းထုတ်ပြန်ထား၏။
တရုတ်အစိုးရသည် ပုဂ္ဂလိကပိုင်ဆေးခန်းများ၌ ပလတ်စတစ်ဆာဂျရီဆရာဝန်များအား အမှန်တကယ် ဆေးဘွဲ့ရ လာသူလား၊ အတုများလား ဆိုသည်ကို စစ်ဆေးနေသည်ဟု သိရ၏။